Xoland Agueroga etib oldi

Erling Xoland Chempionlar Ligasi gollari soni bo‘yicha Serxio Agueroga etib oldi.

Evropa chempionlari ligasi 1/8 finalidan o‘rin olgan "Manchester Siti" - "Kopengagen" uchrashuvi bo‘lib o‘tdi va "shaharliklar" ushbu javob bahsida raqibini qiyinchiliksiz taslim qildi. 

Dastlab, Akanji va Alvareslar tezkor gol urdi. Elyunissi ham Ederson qo‘riqlayotgan darvozani ishg‘ol qilib, oradagi farqni 2:1 ko‘rinishiga keltirib qo‘ydi. Taym so‘nggida esa Xoland o‘z hisobiga bitta gol yozdirib qo‘ydi.

Norvegiyalik futbolchi Chempionlar ligasida 37 o‘yinda 41 ta gol urgan. "Ko‘klar" safida ham o‘ynagan Agueroning hisobida 79 ta o‘yinda shuncha gol mavjud.

Xoland va Aguero turnir tarixidagi eng yaxshi to‘purarlar ro‘yxatida 19-o‘rinni egallab turishibdi. Alessandro Del Pero 42 gol bilan 18-o‘rinda.