Холанд: Гол уролмасам, “Сити” мени алмаштириб юборсин!

“Манчестер Сити”нинг 25 ёшли ҳужумчиси Эрлинг Холанд агар учрашувларда гол уришдан тўхтаса клуб уни бошқа форвардга алмайтириши кераклигини таъкидлади.

Норвегиялик футболчи 2022 йилнинг ёзида “Манчестер Сити”га келганидан бери ажойиб самарадорлик намойиш қиляпти ва тўпурарлик рекордларини янгилаб келяпти. Бироқ Холанд аввалги натижалари унга асосий таркибдан жой кафолатламаслигини яхши англашини айтиб ўтди.

- Сен ҳар бир учрашувда зафар қучишни, жамоага ёрдам беришни истайсан, аммо футбол жамоавий ўйин тури.

Аввал ҳам айтганимдек, мен “Манчестер Сити” ҳужумчисиман. Гол уришим керак. Агар буни уддалай олмасам, улар мени алмаштиришлари талаб этилади. Мен жамоага керакли голлар ва зарур нарсаларни бера олмасам, демак ўрнимни бўшатишим шарт. Ш

Шу боис мен ҳар доим катта босим остидаман, тинимсиз гол уришим ва ўз ишимни аъло даражада бажаришим лозим, - деди Эрлинг Холанд.