Xoland kelsa, mening maoshimni oshirasizlar!

“Manchester Siti” yarim himoyachisi Fil Foden jamoaning kelajagi sifatida e’tirof qozongan. Ayni paytda “shaharliklar” yozgi transferlar mavsumida Erling Xolandni olish uchun kurashmoqda.

Ma’lumotlarga qaraganda, klub bu transferni uddalasa, Fil Fodenning ham maoshini oshirishiga to‘g‘ri keladi. Chunki Xosep Gvardiola jamoasi Xolandni qo‘lga kiritadigan bo‘lsa, norvegiyalik to‘purarga haftasiga 600 ming funt maosh berishi kerak bo‘ladi.

Fil Foden esa o‘zidan bir necha oylik kichkina futbolchi undan sezilarli darajada ko‘p maosh olishini hazm qila olmayapti. Shuning uchun yangi shartnoma bo‘yicha davom etayotgan muzokaralarda Xolandning Manchesterga kelishi ham inobatga olinadi.

“Manchester Siti” tarbiyalanuchisi bo‘lgan 21 yoshli futbolchi joriy mavsumda 32 ta uchrashuvda 11 ta to‘p kiritib, jamoadoshlarini sakkiz marta golli pas bilan ta’minladi.