Холанд Мбаппенинг жароҳат олганидан афсусда

“Манчестер Сити” ҳужумчиси Эрлинг Холанд “Реал Мадрид”даги йўқотишлар ҳақида фикр билдирди, айниқса мадридликларнинг етакчиси Килиан Мбаппенинг йўқлигига алоҳида тўхталди.

“Биз "Реал" таркибидаги жароҳатлар ҳақида билардик. Бизда ҳам муаммолар бор, аммо рақибда кўпроқ эди. Ҳеч ким футболчиларнинг жароҳат олишини хоҳламайди, лекин биз Килиан Мбаппени ўйинда кўришни кутгандик. Мен у билан майдонда тўқнаш келишни истардим. Бундай даражадаги футболчилар билан куч синашишни хоҳлайсан. Бу психологик импульс беради”, — деди Холанд BBC нашрига.

Маълумот учун, жамоалар Чемпионлар лигасининг 6-турида тўқнаш келди ва “шаҳарликлар” 2:1 ҳисобида ғалаба қозонди. Эътиборлиси, норвегиялик форвард ҳам ўз ҳисобига гол ёздириб қўйди.