Xоланд Норвегиянинг нимчорак финалга чиққанини изоҳлади

Норвегия терма жамоаси ҳужумчиси Эрлинг Xоланд Кот-д'Ивуар устидан 2:1 ҳисобида қозонилган ғалабадан кейин ўз фикрлари билан ўртоқлашди. Мазкур баҳсда ғалаба голини айнан у киритишга муваффақ бўлди.

"Бу натижа бутун Норвегия учун қанчалик катта аҳамиятга эга эканини кўриш жуда ёқимли. Менимча, бу мамлакатимизни бутунлай ўзгартиради. Бу бизни янада бирлаштирмоқда ва буни ҳис қилиш жуда таъсирли", — деди Xоланд.

Маълумот учун, скандинавияликлар нимчорак финалда Бразилияга қарши баҳс олиб боради.