Холанд "Реал"га ўтмоқчи, лекин унинг битта шарти бор

Мадриднинг "Реал" клуби "Манчестер Сити"нинг норвегиялик ҳужумчиси Эрлинг Холандга яна қизиқиш билдирмоқда, дея хабар бермоқда El Gol Digital.

Манбага кўра, Холанд ўз атрофидагиларга "қаймоқранглилар" сафига ўтишга қарши эмаслигини, аммо Винисиус Жуниор билан бир жамоада ўйнашни истамаслигини билдирган. Клубдагилар бразилиялик футболчининг сотувга қўйилиши нафақат ички зиддиятларни бартараф этиши, балки йирик трансфер учун зарур маблағни ҳам таъминлаши мумкин, деб ҳисобламоқда.

Қайд этилишича, Винисиус сўнгги пайтларда барқарорликни йўқотган, тез-тез жанжаллар марказида бўлиб туради ва ҳозирча аввалги даражасини намойиш эта олмаяпти. "Реал"нинг Холандга қизиқиши бир неча йилдан бери мавжуд - норвегиялик футболчи "Манчестер Сити"га ўтишидан олдин ҳам мадридликлар томонидан кўриб чиқилаётган эди.

Ҳозир клубда юлдузли дуэт - ҳужум чизиғида Килиан Мбаппе ва Эрлинг Холандни бирлаштириш орзуси бор, бу сўнгги йиллардаги энг шов-шувли трансфер лойиҳаларидан бирига айланади.