Холанддан ҳам кучли ҳужумчининг нархи эълон қилинди

“Наполи” клуби раҳбарияти жамоанинг нигериялик ҳужумчиси Виктор Осимхеннинг нархи борасида бир қарорга келди, деб хабар бермоқда La Gazzeta dello Sport.

Манбага кўра, италян гранди 24 ёшли футболчи эвазига камида 150 миллион евро олмоқчи. Аввалроқ, ҳужумчига "Реал", "Челси", "Манчестер Сити", "Манчестер Юнайтед", ПСЖ ва "Бавария" клублари қизиқиш билдираётгани ҳақида хабарлар тарқалган эди.

Виктор Осимхен жорий мавсум “Наполи” сафида барча турнирларда 31 та ўйинда майдонга тушиб, 26 та гол урди ва 5 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.

Эслатиб ўтамиз, бундан аввалроқ футболчининг агенти Андреа Д’Амико, ўз мижозини бугунги кунда дунёдаги энг кучли ҳужумчи эканини айтди.