Хоселу: "Агар дунёда кимдир камбек қила олса, бу – “Реал Мадрид”

Собиқ “Реал Мадрид” ҳужумчиси Хоселу Чемпионлар Лигаси 1/4 финалининг жавоб ўйини олдидан ўз фикрларини билдирди. Мадридликлар биринчи ўйинда “Арсенал”га 0:3 ҳисобида мағлуб бўлишган. Жавоб баҳси 16 апрель куни “Сантьяго Бернабеу”да бўлиб ўтади.

– Сиз “Реал”нинг камбек қилишига ишонадиганларданмисиз ёки мўъжизалар тугаган деб ўйлайдиганлардан?

– Ҳа, мен ҳар доим камбекка ишонаман. Эслатиб ўтаман: агар дунёда кимдир бундай нарсани уддалай олса, бу “Реал Мадрид”дир. Албатта, имконият бор. Агар сўз “Реал” ҳақида кетса, унда доимо имконият ҳам бўлади.

“Дуранг бу жамоага хос эмас”

– Тони Кроос яқинда айтганидек, биринчи ўйиндаги дуранг “Реал” учун ажабланарли натижа бўларди, чунки унда камбек қилишга зарурат бўлмасди. Бу осон иш бўлмайди, лекин агар бирор жамоа бунга қодир бўлса – у “Реал”.

"Бернабеу" ўз ишини қилади

– Сизнинг “Бернабеу”да майдонга тушишингиз “Реал”га жуда катта ёрдам берган бўларди, тўғрими?

– Бундай деманг (кулди). Бу ўзига хос, унутилмас онлар. Жамоага омад тилайман. Мен ҳам шундай лаҳзаларни бошдан кечирганман ва уларнинг ўрнида бўлишни истардим, лекин бу сафар мен уларни узоқдан қўллаб-қувватлайман.

Камбек калити нима?

– Менимча, “Реал” биринчи навбатда гол уриши керак. Қанчалик тез урса, шунчалик яхши. Қолганини “Бернабеу” уддалайди. Ҳатто қўшимча вақтда ҳам “Реал” фаворит ҳисобланади" – дея таъриф бериб ўтди испаниялик форвард,