Хуммельс "Боруссия Дортмунд"ни тарк этди

Дортмундликларнинг 35 ёшли ҳимоячиси Матс Хуммельс жамоадаги 13 йиллик фаолиятидан сўнг клубни тарк этишини маълум қилди.

Хуммельс вазият бўйича клуб директорлари Ларс Риккен ва Себастьян Кель билан гаплашгани айтилмоқда.

Аввалроқ, Матс ўзи билан жанжаллашиб қолган бош мураббий Эдин Терзич истеъфога чиқарилса, жамоада қолиши мумкинлиги ҳақида айтганди. 

Эслатиб ўтамиз, германиялик ҳимоячи 2008 йилдан 2016 йилгача "Боруссия Д" сафида тўп тепган. Кейин у "Бавария"га жўнаб кетди ва 2019 йилда Дортмундга қайтди. Хуммельс "арилар" билан 6 та соврин ютган.