Xummels Bundesligada qolishi mumkin

Yaqindagina "Borussiya" bilan xayrlashib, erkin agentga aylangan Mats Xummels Bunesligada qolishi mumkin. "Sky Sports" jurnalisti Florian Plettenberg "Bayer" germaniyalik himoyachiga qiziqish bildirayotgani borasida xabar berdi. 

Leverkuzenliklar tez orada jamoani tark etishi kutilayotgan Jonatan Taga o‘rinbosar izlamoqda. Variantlar orasida Valdemar Anton va Rikkardo Kalafori kabi futbolchilar ham bor edi, lekin Anton "Borussiya" a’zosiga aylanish arafasida. Kalaforiga esa top klublar qiziqish bildirmoqda. 

Xummels Evro uchun Germaniya terma jamossidan ham chaqiruv olmagan va turnirda ishtirok etmayapti. Shunday ekan, u ayni damda ham muzokaralar olib borishga tayyor.