Хвича учун курашга яна АПЛнинг гранд клуби қўшилди

"Наполи" ҳужумчиси Хвича Кварацхелия учун курашга Англия Премьер-лигасининг "Ливерпуль" клуби ҳам қўшилди. 
 
Агарда Хвича қишки трансферлар ойнасида неаполликлар билан шартномасини узайтирмаса, шу ой бошқа клубга кўчиб ўтиши мумкин. Бир неча кундан буён вингер учун "Манчестер Юнайтед", ПСЖ каби клублар жуда катта қизиқиш билдирмоқда. 
 
"Athletic" нашрининг хабар беришича, грузиялик ҳужумчи учун сўнгги кунларда Арне Слот бошчилигидаги мерсесайдликлар ҳам ушбу курашга қўшилди. Фурсат туғилиши биланоқ, англияликлар янги таклиф билан чиқмоқчи. 
 
Маълумот ўрнида, 23 ёшли футболчи жорий мавсум 19 та тўқнашувда иштироб этиб, 5 та гол ва 3 та голли узатмага муаллифлик қилган. Унинг клуб билан шартномаси 2027 йилгача мўлжалланган бўлиб, Тransfermarkt порталидаги нархи 85 миллион евро деб баҳоланмоқда.