Яна беш нафар футболчи оламиз!

“Милан” клуби келаси мавсум олдидан таркибини жиддий тарзда кучайтиришга бел боғлади. Таниқли журналист Николо Скира миланликлар яна бешта позицияга янги ижрочиларни олиб келмоқчи эканидан хабар топди.

Манбага кўра, “Милан” мураббийлар штаби клуб раҳбариятига икки нафар ярим ҳимоячи, ўнг қанот ҳужумкор футболчиси, ҳужумчи ортида ўйнайдиган плеймейкер ва марказий форвард кераклигини маълум қилган.

Айни пайтда “Милан” дарвозани қўриқлаш учун “Аталанта” посбони Марко Спортьеллони трансфер қилиб бўлди.

Миланликлар “Челси” вакили Лофтус-Чик ва “Лацио”дан Лука Ромерони ўз сафига кўчиб ўтишга кўндириб бўлган.