Яхшибоевга яхши янгилик

Ўзбекистонлик легионерлар Жасур Яхшибоев ва Шаҳбоз Умаров ўйнаётган Беларусь чемпионати коронавирус туфайли тўхтатилиши мумкинлиги ҳақида гап тарқалди. 

Беларусь футбол федерацияси президенти Владимир Базанов жамоаларда коронавирус билан касалланганлар аниқлангани билан миллий чемпионат тўхтатилмаслигини маълум қилди. Бу ҳақда sport24.ru сайти хабар бермоқда.

- Футбол ўйнашни режалаштиряпмиз. Агар эпидемиологик вазият меъёрида бўлса, ўйнаймиз. Соғлиқни сақлаш ва Спорт вазирликлари билан доимий алоқадамиз. Ҳар тур олдидан вазиятни мониторинг қиляпмиз. “Минск” масаласига келсак у ерда аниқлик киритадиган масалалар бўлгани учун уларнинг 10-тур учрашувидаги ўйини кўчирилди. Мавсум олдидан вазиятни билардик. Клубларга тавсиялар берилган, - деди Базанов.

Беларусь чемпионатида жамоалар 9 та тур учрашувларини ўтказди. “Энергетик-БГУ” сафида тўп сураётган ҳамюртимиз Жасур Яхшибоев тўпурарлар баҳсида пешқадамлик қилмоқда ва чемпионатнинг энг яхши футболчиси бўлиб турибди. "Энергетик-БГУ" навбатдаги учрашувни 23 май куни сафарда "Ислочь"га қарши ўтказади.

Фикрлар

Фикр қолдириш учун авторизациядан ўтинг!