Юлдузлар жанги: Беллингем Мбаппени чиқиштирмаяпти

Фанция терма жамоасининг собиқ футболчиси Эммануэль Пети “Реал”да ўйнаётган ҳамюрти Килиан Мбаппенинг Мадрид клубидаги аҳволига изоҳ берди.

- Килиан Мбаппе “Реал”да ёлғизланиб қолган. Мен Жуд Беллингем Килианни инкор қилганини кўрдим ва “Реал”да Мбаппега ёрдам берадиган бирор дўсти борга ўхшамайди.

Уни матбуот тинимсиз танқид қиляпти, Парижда ёки Испанияда дўсти йўқ, халқаро учрашувларда қатнашмагани учун Францияда ўзига душман орттириб олди.

Бу мавсум Килиан ўзининг даражасидан анча узоқда. У кўп гол ураётганидан хабардорман, лекин бу қуруқ статистика, Мбаппе барибир ўзига ўхшаётгани йўқ, - деди Эммануэль Пети.