Юрген Клоппга Саудиянинг гранд клуби иш таклиф қилмоқчи

Саудия Арабистони клуби "Ал-Иттиҳод" 58 ёшли мутахассис Юрген Клоппни бош мураббийликка асосий номзод сифатида кўрмоқда, деб хабар берди "Arriyadiyah".

"Ал-Иттиҳод" яқинда "Ан-Наср"га (0:2) мағлубиятдан сўнг Лоран Блан билан ҳамкорликни тўхтатган эди. Жамоа 4 турдан сўнг 9 очко тўплаб, турнир жадвалида 3-ўринни эгаллаб турибди.

Мураббийликка яна Хави, Унай Эмери, Лучано Спаллетти ва Сержиу Консейсау номзодлари ҳам кўриб чиқилмоқда.

Юрген Клопп эса 2024 йилдан буён ишламайди — у "Ливерпуль" бош мураббийлигини тарк этган эди.