"Юве" кризис туфайли ярим ҳимоячисини трансферга қўйди

"Ювентус" ярим ҳимоячиси Аарон Рэмзи катта эҳтимол билан мавсум якунланганидан сўнг, жамоани тарк этади.

Daily Mail нашрининг хабарига кўра, Турин клуби коронавирус пандемияси сабабли, юзага келган кризисни олдини олиш мақсадида уэльслик футболчини трансферга қўйишга қарор қилган.

Бунга асосий сабаб сифатида Рэмзининг ҳафтасига 400 минг фунтлик маоши кўрсатилмоқда.

"Юве" Премьер лиганинг иккита топ клубига бу ҳақда хабар берган. Бу жамоалардан бири ярим ҳимоячига қизиқиш билдирган "Манчестер Юнайтед" клубидир, аммо ҳозирги пайтда МЮ ҳам футболчининг маошини тўлаб беришга қодир эмас.

Эслатиб ўтамиз, Рэмзи 2019 йилнинг ёзида эркин агент сифатида "Ювентус" сафини тўлдирганди.