"Ювентус" мавсумлар оралиғидаги трансферлар даврида "Наполи" форварди Аркадиуш Миликни таркибга жалб этмоқчи.

Tuttosport нашри тарқатган хабарга кўра, туринликлар 26 ёшли польшалик футболчини ёзда жамоадан кетиши мумкин бўлган Гонсало Игуаин ўрнига муносиб номзод сифатида қарашмоқда. Миликка эса “Милан”дан ҳам қизиқишлар мавжуд.

Милик “Наполи” сафида 2016 йилдан буён тўп суриб келмоқда. У жорий мавсум А Серияда 16 та ўйинда майдонга тушди ва рақиблари дарвозасига 9 та гол урди. Унинг клуб билан амалдаги шартномаси эса 2021 йилга қадар имзоланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)