"Ювентус" Жаҳон чемпиони учун ҳаракатни бошлади

Аргентина терма жамоаси ва "Астон Вилла" дарвозабони Эмилиано Мартинес ҳамон "Ювентус"нинг асосий трансфер мақсадларидан бири бўлиб қолмоқда.

Инсайдер Николо Скира маълумотига кўра, туринликлар аллақачон амалий қадамларни бошлаган. Яқинда клуб вакиллари дарвозабон агенти билан учрашув ўтказиб, эҳтимолий трансферни муҳокама қилган.

Манба таъкидлашича, Мартинес жорий ёзда "Астон Вилла"ни тарк этиш ниятида. Бироқ унинг юқори маоши "Ювентус" учун асосий муаммолардан бири бўлиши мумкин.

Transfermarkt баҳосига кўра, 33 ёшли посбоннинг трансфер қиймати 15 миллион еврога тенг.

Ўтган мавсумда Эмилиано Мартинес "Астон Вилла" сафида барча мусобақаларда 44 та учрашувда майдонга тушиб, ўз дарвозасидан 49 та гол ўтказиб юборган.