“Yuventus” orzusidagi futbolchini oldi. Tez fursatda transfer rasman e’lon qilinadi

“Yuventus” yosh himoyachi Marash Kumbulani qo‘lga kiritdi.

Kelishuvga ko‘ra, turinliklar “Verona”ga 20 yoshli alban futbolchisi uchun 32 million evro to‘lab beradi. Transfer shu hafta amalga oshiriladi. Ayni paytda tomonlar shaxsiy shartnoma bo‘yicha kelishuvni yakunlamoqda.

Kumbula A Seriyada 18 ta o‘yinda qatnashib, hisbiga bitta gol ham yozib qo‘ydi. Unga Italiyaning bir necha klublaridan tashqari “Manchester Yunayted” ham qiziqayotgan edi.