“Yuventus” Ronaldusiz qoldi

q“Yuventus” bosh murabbiyi Andrea Pirlo jamoa etakchisi Krishtianu Ronaldu "Latsio" maydonida bo‘lgan uchrashuvda arohat olganini ma’lum qildi. O‘yinda Ronaldu hisobni ochgan edi. Biroq, 76-daqiqada o‘rnini jamoadoshiga bo‘shatib berishdi. Mezbonlar bahs yakunlanishi oldidan hisobni tenglashtirishdi -  1:1. 

- Ronaldu biz uchun asosiy futbolchi. U doim o‘zi o‘ynagan jamoalar uchun eng muhim ijrochi bo‘lgan. Afsuski, o‘yin davomida to‘pig‘idan jarohat oldi va maydonni tark etishga majbur bo‘ldi, – dedi Pirlo.

Endi Krishtianu Ronaldu tibbiy ko‘rikdan o‘tkaziladi va jarohat darajasiga aniqlik kiritiladi. Joriy mavsumda “Yuventus” tarkibida to‘rtta o‘yinda qatnashgan portugaliyalik hujumchi raqiblar darvozasini olti marta nishonga oldi.