"Yuventus"ning asosiy hujumchisi jarohat oldi

Turinning “Yuventus” klubi forvardi Gonsalo Iguain mashg‘ulotlar paytida jarohat oldi.

Klub rasmiy sayti tarqatgan xabarga ko‘ra, 32 yoshli argentinalik futbolchi o‘ng oyoq son mushaklarini shikastlab olgan. Ammo, o‘tkazilgan tibbiy tekshiruvlar jarohat jiddiy emasligini ko‘rsatgan. Lekin, hozircha uning qachon safga qaytishi ma’lum qilinmayapti.

“Yuventus” karantindan keyingi ilk uchrashuvini 22 iyun kuni “Bolonya”ga qarshi o‘tkazadi.