Зидан Куртуадан ўйин услубини ўзгартиришини сўрамоқда
Ads

"Реал" Мадрид клуби бош мураббийи Зинедин Зидан дарвозабон Тибо Куртуадан ўзининг ўйин услубини ўзгартиришини сўради.

Defensa Central нашри тарқатган хабарга қараганда франциялик мутахассис бельгиялик посбонни ўйин пайтида ҳимоячилар билан масофани сақлаб туриш учун олдинга чиқиши керак деб ҳисоблайди. Шу боис Зидан унга бу борадаги фикрларини билдирган ва ўйин услубини ўзгартиришини сўраган.

Маълумот учун, Куртуа жорий мавсум Ла Лигада 2та ўйинда майдонга тушди ва ўз дарвозасидан 2та гол ўтказиб юборди.