Zidanning "Real"dagi o‘rnini egallashi mumkin bo‘lgan asosiy nomzod kim?

“Real Madrid Kastilya” klubi bosh murabbiyi Raul yangi mavsumda “Real”ning asosiy jamoasini boshqarishi mumkin.

Marca nashri tarqatgan xabarga qaraganda, 43 yoshli ispaniyalik mutaxassis Zinedin Zidan bosh murabbiylikdan ketgan taqdirda, uning o‘rnini egallashi mumkin bo‘lgan asosiy nomzod sifatida tilga olinmoqda. “Real” rahbariyati  bu borada ko‘plab mutaxassislar nomzodini ko‘rib chiqmoqda, biroq Raul nomzodi ko‘pchilikka ma’qul kelmoqda.

Raul 1994-2010 yillarda “Real” safida to‘p surgan. Shundan keyin 2 mavsum “Shalke”da harakat qildi.

Bundan avvalroq Frankfurtning “Ayntraxt” klubi Raulni bosh murabbiylikka taklif qilmoqchiligi haqida turli xabarlar tarqalgan edi.