Златан Иброҳимович “Интер” мухлиси устидан кулди
“Милан” билан Италия чемпионлигини қўлга киритган Златан Иброҳимович Дезенцано-дель-Гарда шаҳрида “Интер” мухлиси билан ҳазиллашди.
La Gazzetta dello Sport нашрининг ёзишича, жароҳатидан тикланаётган швед ҳужумчиси барда кофе ичиб ўтирганида бир гуруҳ мухлислар келиб ундан суратга тушиш ва автограф беришини сўраган.
Иброҳимович улар орасида “Интер” фанати борлигини билиб қолди.
- Сен “Интер” фанатимисан? Сенга жуда раҳмим келяпти, - деди Златан унга ҳазил оҳангида.
Иброҳимович айни пайтда эркин агент ҳисобланади. У катта эҳтимол билан “Милан”даги фаолиятини давом эттириши ва янги шартнома имзолаши кутилмоқда.
Фикрлар