Златан Иброҳимович ўзига жамоа танлади

“Милан” таркибида Италия чемпионалигини қўлга киритган 40 ёшли ҳужумчм Златан Иброҳимович ҳали фаолиятини тўхтатмоқчи эмас.

Sport.es нашрининг хабар беришича, швециялик футболчи яна “Милан”да  ўйнашни истаяпти. Златан янги шартнома тузиш учун маошининг катта қисмидан воз кечишга тайёр.

Иброҳимович бунгача ҳар мавсум учун 7 миллион евро олаётган эди. Агар клуб уни олиб қоладиган бўлса, бу сумма икки миллион еврони ташкил қилади. Футболчининг ўзи бу маошга рози экани айтилмоқда.

Тажрибали ҳужумчи чемпионлик мавсумида 23 та учрашувда қатнашиб, саккизта гол ва учта ассист муаллифи бўлди.