Зоҳид Кенжаев “Portugal Open”даги илк ғалабасини нишонлади

Стол тенниси бўйича Ўзбекистон терма жамоамиз аъзоси Зоҳид Кенжаев Португалияда Халқаро стол тенниси федерацияси томонидан ўтказилаётган “Portugal Open” турнирини ғалаба билан бошлади.

ХХХI ёзги Олимпия ўйинлари иштирокчиси бўлган Зоҳид Кенжаев саралаш баҳсларининг иккинчи даврасида Швейцария вакили Пош Ларсга қарши ўйин ўтказди ва 4:1(11:6, 10:12, 11:6, 11:8, 11:7) ҳисобида таслим этишни уддалади.

Энди ҳамюртимиз “Portugal Open ” мусобақасининг 1/32 финал босқичида Словакия вакили Лубомир Пистежга қарши тўқнаш келади.