"Зомин" "Хоразм"ни мағлуб этиб, кубокдаги юришини ғалаба билан бошлади

Ўзбекистон кубоги гуруҳ босқичи 1-туридан ўрин олган "Зомин" - "Хоразм" учрашуви якунига етди. Унда мезбонлар 3:1 ҳисобида ғалаба қозонди.

Дастлаб 27-дақиқада Шуҳрат Садирдинов мезбонларни ҳисобда олдинга олиб чиқди. Орадан 5 дақиқа ўтиб, хоразмликлар вакили Сарвар Жуманиёзов мувозанатни тиклади.

35-дақиқада Отабек Аҳматжонов яна жамоасини ҳисобда олдинга олиб чиқди. 90+4-дақиқа ўтиб бораётган бир пайтда Саидмаҳмуд Ғуломот фарқни иккитага етказиб қўйди. 

Шу тариқа, зоминликлар "Б" гуруҳида 3 очко тўплаган ҳолда, 1-ўринни эгаллаб турибди. 

"Хоразм" айни пайт сўнгги поғонани банд этган.