Aziz Ibragimov Latviya chempioni!

Bugun Latviya chempionatida 27-tur o‘yinlari bo‘lib o‘tdi. Hamyurtimiz Aziz Ibragimov to‘p suradigan “Spartaks” jamoasi o‘z maydonida “Liepaya”ni qabul qildi.

Ushbu o‘yinda mezbonlar 2:0 hisobida g‘alabaga erishdi va rasman Latviya chempionligini qo‘lga kiritishdi. Ibragimov ushbu o‘yinda 90 daqiqa to‘p surdi.

Eslatib o‘tamiz, Aziz iyul oyida yuramalaliklar safiga ko‘chib o‘tgan edi. Shu davrga qadar hamyurtimiz "Spartaks" safida 14 bahsda maydonga tushdi.

Latviya chempionati. 27-tur

“Spartaks” – “Liepaya” 2:0.