Engil atletika: Nigina Sharipova finalga yo‘l oldi

Osiyo o‘yinlarining bugungi kungi dasturidan o‘rin olgan engil atletikaning 200 metrga yugurish bahslarida final bosqichi ishtirokchilari nomi ma’lum bo‘ldi.

Ushbu bahslarda ishtirok etgan hamyurtimiz Nigina Sharipova ham o‘z guruhida marrani 23,45 soniyada kesib o‘tgan holda uchinchi o‘rinni band etdi va final bosqichiga yo‘l oldi. 

Qayd etish lozim, oldinroq, Ekaterina Voronina ko‘pkurash bahslarining yadro uloqtirish bahslarida uchinchi o‘rinni band etgandi.