Professional bokschilarimiz Ekaterinburgda navbatdagi janglarini o‘tkazishadi

Joriy yilning 14 iyul kuni Rossiyaning Ekaterinburg shahrida professional boks janglari tashkil qilinadi. Ushbu boks kechasida ikki nafar hamyurtimiz ham ringga chiqishi rejalashtirilgan.

Dastlab Qobiljon Hosilov 6 raundlik jangda mezbonlar vakili Igor Adleyba bilan kuch sinashadi. Hozircha bokschimiz hisobida 1 mag‘lubiyat va 1 durang bo‘lsa, rossiyalik bokschi 3 ta jang o‘tkazib, barchasida g‘alaba qozongan.

Yana bir qarama-qarshilikda mag‘lubiyat nimaligini bilmay kelayotgan Mirzohidjon Abdullaev (3-0-1) Sergey Kojuhar bilan kuch sinashadi. Bu bokschi shu vaqtga qadar uchta jang o‘tkazib, 2 g‘alaba va 1 durang qayd etgan. Jang 6 raund etib belgilangan.