Ronaldu "Oltin to‘p" taqdirlash marosimiga kelmaydi, chunki...

Turinning "Yuventus" klubi forvardi Krishtianu Ronaldu joriy yilgi "Oltin to‘p" mukofotining tantanali topshirish marosimiga kelmaydi. Bu haqda Gazzetta dello Sport nashri xabar tarqatmoqda.

Unga ko‘ra bu holat portugaliyalik futbolchining bu safargi sovrinni qo‘lga kiritmasligi bilan bog‘liq bo‘lishi mumkin. U xatto katta ehtimol bilan “Oltin to‘p” uchun da’vogarlarning kuchli uchligiga ham kira olmaydi.

Eslatib o‘tamiz, 33 yoshli Ronaldu faoliyati davomida ushbu mukofotga besh bor loyiq ko‘rilgan edi.

Ma’lumot uchun, "Oltin to‘p" mukofoti g‘olibi 3 dekabr kuni e’lon qilinadi.