AGMK o‘z uyida "Buxoro"ni Superliga bilan xayrlashishga majbur qildi

Coca Cola Superligasi so‘nggi tur o‘yinlari boshlandi. 26-turidan o‘rin olgan AGMK - "Buxoro" uchrashuvi o‘z yakuniga etdi. Unda olmaliqliklar 3:1 hisobida zafar quchdi.

Dastlab, 15-daqiqada Jumanqo‘zievga nisbatan ishlatilgan qo‘pollik uchun maydon egalari darvozasi tomon penalti belgilandi. Nuqta qarshisiga kelgan Aziz Ibragimov kuchli zarba yo‘llab, hisobni ochdi. Biroq katta ishtiyoq bilan oldinga o‘tgan Mirjalol Qosimov shogirdlari 1-bo‘lim so‘ngida hisobni tenglashtirdi. Husniddin G‘ofurovning zarbasini darvozabon qaytara olmadi.

Keyinchalik 57-daqiqada G‘ofurovning o‘zi hisobni jamoasini hisobda oldinga olib chiqdi. O‘yin yakuniga qadar faol harakat qilishda davom etgan AGMK 88-daqiqada haqli gol kiritdi. Elguja Grigalashvili ham o‘z ismini tabloga yozdirib qo‘yishga muvaffaq bo‘ldi.

Ushbu g‘alabadan keyin olmaliqliklar o‘z tarixida ilk bor medal yutgan chempionatni yuqori kayfiyat bilan yakunladi. "Buxoro" esa, so‘nggi pog‘onada qolib ketgan holda, Superligani tark etdi.

• 90+4'

  Учрашув якунланди. Матнли трансляция Жавоҳир Азимов томонидан олиб борилди!

• 90+2'

  Сўнгги дақиқаларни ҳам мезбонлар фаолроқ ўтказмоқда.

• 90'
  

  Асосий вақтга 3 дақиқа қўшиб берилди.

• 88'
  

  ГООООООООООЛЛЛЛЛЛЛ! АГМК ўйинга нуқта қўйди.

  1 рақибини алдаб, дарвозабон қаршисида ёлғиз қолган Григалашвили тўпни Сафоев оёқлари орасидан ўтказиб, ҳисобни йиқирлаштирди.

• 86'
  

  Полвонов воқеалар ривожидан илгарилаб кетди.

• 83'

  "Бухоро" ўйинга фаоллик қўшди. АГМК қарши ҳужумларда хавф туғдиряпти.

• 80'
  

  АГМК футболчисининг яқин масофадан берган кучли зарбасини дарвозабон қайтарди.

• 78'

  Жарима майдони ташқарисидан йўлланган зарбага аниқлик етишмади. "Бухоро" дарвозабони тўпни ўйинга киритиб беради.

• 76'
  

  Ғофуров ўрнига Аманов, Турсунов ўрнига Умаров майдонга тушди.

• 73'
  

  Максимилиан Фомин жароҳат олди. Унга тиббий ёрдам кўрсатиляпти.

• 71'
  

  Меҳмонлар бурчак зарбасидан унумли фойдалана олмади.

• 69'

  Дарвозабон билан бирга-бир вазиятга чиқиб бориш учун Жокичга тезлик етишмади.

• 66'
  

  Жасур Ҳасонов огоҳлантирилди.

• 64'

  Жарима майдонига оширилган тўпни Давронов эгаллаб олди.

• 63'

  Жарима майдони ичида Полвонов йиқилиб тушди. Ҳакам ўйинни давом эттиришга рухсат берди.

• 62'
  

  Қосимов ўрнига Абдураҳимов, Ватсадзе ўрнига Полвонов майдонга тушди.

• 59'
  

  Гол ўтказиб юборган "Бухоро" сафида ўзгариш: Сухроб Нехматов ўрнига Иззатилла Абдуллаев ўйинга қўшилди.

• 56'
  

  ГООООООООООЛЛЛЛЛЛЛ! АГМК ҳисобда олдинга чиқиб олди!

  Тезкор қарши ҳужумга ўтган Григалашвили 2 рақибини чалғитиб, шеригини тўп билан таъминлади. Ғофуров дарвозани ишғол этди.

• 54'
  

  Жумақўзиевнинг жарима майдони ташқарисидан йўллаган зарбасини Раҳимов ушлаб олди.

• 52'
  

  Григалашвили ўйиндан ташқари ҳолатда қолиб кетди.

• 50'

  Қосимов шогирдлари рақибни марказдаёқ тўпсиз қолдиряпти.

• 48'

  Мезбонлар иккинчи 45 дақиқаликни ҳам ҳужум билан бошлади.

• 46'
  

  Иккинчи бўлим бошланди!

• 46'

  Футболчилар майдонга қайтди. Биз ҳам қайтамиз!

• 45+3'
  

  Танаффус!

• 45+2'
  

  ГООООООООООЛЛЛЛЛЛЛ! АГМК ҳисобни тенглаштирди!

  Ҳимоячидан қайтган тўпни Ғофуров дарвозага жойлаб қўйди.

• 45'
  

  Биринчи бўлимга 3 дақиқа қўшиб берилди.

• 42'
  

  Бўлим сўнгини майдон эгалари фаол ўтказмоқда: жарима майдони ташқарисидан Ватсадзе йўллаган зарбани "Бухоро" посбони катта қийинчилик билан қайтарди.

• 40'
  

  АГМК навбатдаги бурчак зарбасидан наф чиқара олмади.

• 37'

  Олмалиқликлар қанотлардан тез-тез фойдаланяпти.

• 34'

  Меҳмонлар ўйинга фаоллик қўшишни бошлади. Икки томон вакиллари ҳам олдинга ўтмоқда.

• 32'

  Беҳруз Садиллоев ҳужумда Тошматовга нисбатан  қўпол ўйнади.

• 29'

  Григалашвили дарвозабон билан бирга-бир вазиятга чиқиб боришига ҳимоячи йўл қўймади.

• 27'

  Жуманқўзиев марказда қоида бузиш эвазига тўхтатилди.

• 25'

  Қосимов шогирдлари фаолликни давом эттирмоқда: бу сафар Ватсадзе зарба берди. Бироқ унга аниқлик етишмади.

• 22'
  

  Бурчак тўпидан кейин Мате Ватсадзе бош билан зарба йўллади. Дарвозабон тўпни ушлаб олди.

• 20'

  Мирғиёс Сулаймонов ва Азиз Ибрагимов ўзаро тортишиб қолди. Ҳакам вазиятни тинч йўл билан ҳал қилди.

• 18'
  

  Жарима майдонига узатилган тўпдан сўнг АГМК футболчиси ҳужумда қоида бузди.

• 17'

  АГМКнинг ўнг қантдан уюштирган ҳужуми бурчак тўпи билан якунланди.

• 15'
  

  ГООООООООООЛЛЛЛЛЛЛЛ! "Бухоро" ҳисобни очди!

  Нуқта қаршисига келган Азиз Ибрагимов кучли зарба йўллаб, дарвозабонга имконият қолдирмади.

• 13'
  

  Жарима майдони ичида Жуманқўзиевга нисбатан ишлатилган қўполлик учун АГМК дарвозаси томон пенальти белгиланди.

• 11'
  

  Григалашвилининг яқин масофадан берган зарбасини дарвозабрн ушлаб олди.

• 9'

  Бухороликлар ҳимояда ишончли ҳаракат қилиб, қарши ҳужумларда ўз омадини синаб кўряпти.

• 6'

  Олмалиқликлар дастлабки дақиқалардан тўп назоратини қўлга олишга ҳаракат қилмоқда.

• 3'

  "Бухоро" футболчиси жаримадан берган зарбасидан сўнг тўп дарвоза олдидан ўтиб кетди. 

• 1'
  

  Учрашув бошланди!

• 0'

  Футболчилар майдонга тушиб келмоқда. Ўйин бир неча дақиқалар ичида старт олади.