"Al-Nassr" La Liga klubi bilan durang o‘ynadi. Masharipov uzoq tanaffusdan keyin asosiy tarkibda maydonga tushdi

Legionerimiz Jaloliddin Masharipov harakat qilayotgan "Al-Nassr" jamoasi La Liga vakili "Almeriya" bilan o‘rtoqlik uchrashuvi o‘tkazdi. Mazkur bahsda jamoalar 1:1 hisobida durang o‘ynadi.

Bellashuvning 18-daqiqasida Bilal Ture hisobni ochdi. Oradan 3 daqiqa o‘tib, Taliska jarima zarbasidan super gol urdi. Jaloliddin uzoq tanaffusdan keyin yana safga qaytdi.

Masharipov belidan jarohat olib, O‘zbekiston terma jamoasining o‘yinlarini ham o‘tkazib yuborgandi.