Aldjameyn Sterling Charlz Oliveyrani himoya qilmoqda

Aljameyn Sterling (23-4) Maxachevga qarshi jangdan chiqqani uchun tanqidlarga uchragan Oliveyrani  himoya qildi:

“Barcha jangchilar jarohatlar yoki muammolarga duch kelishadi. Ulardan ba’zilari boshqalarga qaraganda jiddiyroq bo‘ladi. Oliveyrani jangdan chiqqani uchun ayblash aqldan ozish. Jangdan bir necha kun oldin olingan katta jarohat bilan jang qilish haqiqatan ham oqilona va aqlli deb o‘ylaysizmi?”,- dedi UFCning o‘ta engil vazn (61,2 kg) toifasi sobiq chempioni.

Eslatib o‘tamiz, Charlz Oliveyra (34-9-1 NC) “UFC 294” turnirida Islom Maxachevga qarshi jang qilishi kerak edi. Biroq, mashg‘ulotdan olgan jiddiy jarohat tufayli u jang qila olmaydigan bo‘lgandi.