Anchelotti Braziliya terma jamoasi bilan shartnomasini uzaytiradi

Braziliya Futbol Konfederatsiyasi rahbari Samir Chaud milliy terma jamoa bosh murabbiyi Karlo Anchelottining kelajagi haqida fikr bildirdi.

"Karlo bilan yangi shartnoma imzolash huquqiy jihatdan ham yakuniy bosqichda", deya Chaudning so'zlarini keltirdi insayder Nikolo Skira. Italyalik mutaxassisning yangi shartnomasi 2030 yilning o'rtalariga qadar amal qiladi.

Ma'lumot uchun, Anchelotti o'tgan yilning may oyida "Real Madrid"dan iste'foga chiqqanidan so'ng "pentakampionlar" boshqaruvini qabul qilib olgan edi.