Anchelotti Gyulerni ijtimoiy tarmoqlardagi suhbat orqali jamoaga olib kelgan ekan

Turkiyalik yosh iqtidor egasi Arda Gyuler "Real Madrid"dan olgan taklifini va Karlo Anchelotti bilan bo‘lgan ijtimoiy tarmoqlardagi suhbat orqali suhbatini yorqin tafsilotlar bilan yodga oldi. U 2023 yil yozida "Fenerbaxche"dan madridliklar safiga qo‘shilgan edi.

Gyulerning so‘zlariga ko‘ra, Turkiya terma jamoasiga chaqirilganidan so‘ng, turli klublardan takliflar yog‘ila boshlagan. Biroq, u faqat haqiqatan ham ruhlantiruvchi takliflarga e’tibor berishga qaror qilgan.

“Bir kuni otam menga yangi taklif haqida gaplashishimiz kerakligini aytdi. Men unga: “Menga takliflar haqida gapirma, agar u alohida emas bo‘lsa”, dedim. U esa: “Arda… bu – “Real Madrid”, dedi.

Bu gapni eshitganimda ishonmadim. Bu orzu edi. Biz otam bilan ko‘p o‘yladik: ketishga hali ertamasmikan? Chunki boshqa juda ko‘p takliflar bor edi", – deydi Gyuler.

Eng hal qiluvchi palla – Anchelotti bilan "FaceTime" suhbati bo‘lgan.

“Video ochilganida u gavayi ko‘ylakda, ko‘zida quyosh ko‘zoynagi, ehtimol, sigara ham bor edi. U: “Arda, seni bu erda buyuk kelajak kutmoqda. Balki birinchi yili emas, lekin imkoniyatlar bo‘ladi. Modrich va Kroos qarigandan keyin seni yarim himoyaga qo‘yishimiz mumkin.

Modrich va Kroos bilan bir safda tilga olinish – bu juda boshqacha holat edi. Men hatto gap ham gapira olmadim. U: “Arda, va’da ber, sen Madridga kelasan. Va’da ber, va’da ber”, dedi. Men: “Albatta, janob”, dedim.

So‘ng: “Biz yana gaplashamiz. Hozir esa xotinim oldiga qaytishim kerak”, dedi. Ha-xa-xa. Shunda u uchun “qo‘shimcha vaqt” tugayotganini his qilgandek bo‘ldim. So‘z tugaganda otamga qaradim va biz qarorga keldik.”

Ardaning ta’kidlashicha, "Real" futbolchisi sifatida tanishtirilish to‘y marosimiga o‘xshaydi. Uning shartnomasi 6 yilga mo‘ljallangan, ammo bu – butun umrlik munosabatdek.

"Onajonim yig‘laganida, ko‘z yoshini archib, uni yuzidan o‘pdim. Biz shu erga etib kelish uchun juda ko‘p narsalardan voz kechdik va endi orzumiz ro‘yobga chiqdi.

Menda “PlayStation”da Aleks Xanter sifatida o‘ynashga pul yo‘q edi. Shuning uchun men u bo‘lishga hayotda harakat qildim", – deb so‘zini yakunlaydi Arda Gyuler.