"Andijon" navbatdagi transferini e’lon qildi

“Andijon” klubi o‘z safiga qo‘shib olgan legionerlarni birin-ketin tanishtirishda davom etyapti.

Sports.uz saytini kuzatib borayotgan o‘quvchilar biladilarki, bungacha belaruslik yarim himoyachi Vasiliy Sovpel hamda qozog‘istonlik Vladislav Vasilev bilan kelishuvga erishilganligi haqida xabar berib o‘tgandik.

Bulardan tashqari, “Andijon” jamoasining uchinchi legioner bilan ham shartnoma imzolanganligi ma’lum bo‘ldi.

26 yoshli belaruslik yarim himoyachi Pavel Zabelin mavsumning ikkinchi qismini “Andijon” klubida o‘tkazadi. Futbolchi faoliyatini asosan Belarus chempionatida o‘tkazgan. Jumladan, “Neman”, “Baranovichi”, “Granit” hamda “Shaxtyor” kabi jamoalar sharafini himoya qilgan.