Angliya klublari Felishni ijaraga olmoqchi

“Atletiko” futbolchisi Joau Felish qishki transferlar oynasida klubni tark etishga yaqin turibdi.

“The Athletic” nashrining xabar berishicha, Madrid jamoasi vingerni 6 oylik ijaraga berishga tayyor. “Atletiko” futbolchining ijarasi uchun 21 million evro istamoqda. Felishga “Arsenal” va “Manchester Yunayted” jamoalari jiddiy qiziqish bildirmoqda. Ammo Angliya klublari buncha to‘lashni xohlamaydi.

Xabarlarga ko‘ra, “Chelsi” portugaliyalikni o‘z tarkibiga qo‘shib olish haqida o‘ylamayapti. Sababi, “aristokratlar” Entso Fernandes transferi bo‘yicha ishlamoqda.