Arveladze yangi klubi uchun dastlabki xaridni amalga oshirgani aytilmoqda. U osiyolik!

“Xall Siti” klubida ish boshlagan Shota Arveladze yangi jamoasi uchun dastlabki xaridni amalga oshirgani aytilmoqda. Garchi klub hali bu haqida rasmiy ma’lumot bermagan bo‘lsa-da, lekin Turkiyada faoliyat ko‘rsatayotgan taniqli agentlardan biri Kova Tilavpur mazkur transfer xususida Sports.uz muxbiriga ma’lum qildi.

Eronlik hujumchi 21 yoshli Allaxyor Sayidmanesh “Xall Siti” bilan shartnoma imzoladi. U Turkiyaning “Fenerbaxche” klubiga tegishli edi. Angliya klubi esa hujumchini sotib olgani aytilmoqda. Transfer summasi taxminan 3 million evro atrofida.

Sayidmanesh Eronning “Istiqlol” jamoasida faoliyat olib borgan. 2019 yili esa “Fenerbaxche” klubiga ko‘chib o‘tdi va ushbu jamoada to‘p surdi. Keyinchalik ijara asosida “Istanbulspor” va Ukrainaning “Zarya” klublarida o‘ynadi. Qolaversa, u Eron milliy terma jamoasi a’zosi hisoblanadi.