Bellingem: "Bugun hayotimdagi eng muhim kun"

Jud Bellingem "Real" Madrid klubi bilan shartnoma imzolaganidan so‘ng o‘z his-tuyg‘ulari bilan o‘rtoqlashdi. Angliyalik futbolchi Dortmundning "Borussiya"sidan 103 million evro evaziga o‘tgan edi.

“Hammaga, ayniqsa buni tomosha qilayotganlarga rahmat aytmoqchiman. Bugun hayotimdagi eng muhim kun, chunki men dunyoning eng yaxshi jamoasiga qo‘shilayapman. Hammaga raxmat!", dedi Bellingem "qirollik klubi" futbolchi sifatidagi rasmiy tanishtiruv marosimida.

Eslatib o‘tamiz, Bellingem yangi klubida avval himoyachi Xesus Valexoga tegishli bo‘lgan 5 raqamda harakat qiladi.