Bir jamoaning uch yulduzi “Barsa”ni kuchaytiradigan bo‘ldi

Xavi Ernandes “Barselona” uchun muvaffaqiyatli o‘tayotgan mavsum yakunlanishi bilan bir necha transferni amalga oshirishni rejalashtirmoqda.

Kataloniyaliklar  “Yuventus”dan birdaniga uch futbolchini olmoqchi. Bu haqda Goal.com sayti jurnalistlari xabar berdi.

“Barselona”ning nazari turinliklar hujumchisi Dushan Vlaxovich, hujumkor futbolchisi Federiko Keza va yarim himoyachi Manuel Lokatelliga tushdi.

“Yuventus” moliyaviy firibgarlik tufayli 15 ochkodan mosuvo qilinganidan keyin jamoa Chempionlar ligasiga chiqa olmasligi oydinlashdi. Yuzaga kelgan vaziyat tufayli bir necha etakchi o‘yinchilar Turinni tark etishni rejalashtirmoqda.