«Borussiya» Bellingamga murojaat qildi
Jud Bellingem dubli bilan Angliya Norvegiyani 2:1 hisobida mag‘lub etdi va jahon chempionati yarim finaliga chiqdi.
2026 yilgi jahon chempionati chorak finalida Angliya terma jamoasi qo‘shimcha daqiqalarda Norvegiyani 2:1 hisobida mag‘lub etdi. «Uch sherlar» tarkibidagi har ikki gol muallifi yarim himoyachi Jud Bellingem bo‘ldi. Uning ajoyib o‘yini va dublini sobiq jamoasi – Dortmundning «Borussiya»si ham e’tirof etdi.
«Jud, tabriklaymiz. Bu bayramona harakatni biz Dortmunddayoq ko‘rganmiz», – deya yozdi nemis klubi ijtimoiy tarmoqlardagi sahifasida.
Ushbu g‘alabadan so‘ng angliyaliklar mundial yarim finaliga yo‘l oldi. Endi ular amaldagi jahon chempioni – Argentinaга qarshi maydonga tushadi. Uchrashuv chorshanba, 15 iyul kuni bo‘lib o‘tadi.
Yarim finalning ikkinchi juftligida esa Frantsiya va Ispaniya terma jamoalari o‘zaro kuch sinashadi.
Izohlar (0)