Bu ishni faqat Foden uddalagan

8 yanvar kuni Angliya kubogining 3-bosqichi doirasida "Manchester Siti" "Chelsi"ni 4:0 hisobida mag‘lub etdi.

Gollardan birini "shaharliklar" yarim himoyachisi Fil Foden kiritdi. "Opta" statistika agentligi ma’lumotlariga ko‘ra, Foden Angliya kubogining so‘nggi besh uchrashuvining har birida gol urgan yagona futbolchi.

Eslatib o‘tamiz, "FA Cup" 1/16 finalida Gvardiola shogirdlari "Arsenal"ga qarshi maydonga tushadi. Bellashuv 28 yanvar kuni bo‘lib o‘tishi rejalashtirilgan.