Darmian ertaga "Inter" futbolchisiga aylanadi

“Parma” himoyachisi Matteo Darmian joriy yozgi transferlar davrida jamoasini o‘zgartirishi kutilmoqda.

Calciomercato nashri tarqatgan xabarga ko‘ra, 30 yoshli futbolchi faoliyatini “Inter”da davom ettiradi. Darmian ertaga 2 oktyabr kuni “neradzurrilar” safida tibbiy ko‘rikdan o‘tadi. Milan klubi esa uning transferi uchun “Parma”ga 2,5 mln evro to‘laydi.

Darmian faoliyati davomida “Manchester Yunayted” va “Torino” klublarida ham o‘ynagan. Italiya terma jamoasida esa 36 ta o‘yinda maydonga tushgan.