Doku: "Kubokdagi g'alaba "Arsenal" uchun psixologik zarba bo'ldi"

"Manchester Siti" vingeri Jeremi Doku Angliya Liga kubogi finalida "Arsenal" ustidan qozonilgan g'alaba haqida fikr bildirdi.

"Karabao kubogi — ajoyib sovrin. Biz g'alaba qozonsak, bu "Arsenal" uchun psixologik zarba bo'lishini bilardik. Faqat oldinga qarab harakat qildik", — dedi futbolchi jurnalist Jek Goganga.

Eslatib o'tamiz, Liga kubogi finalida "Manchester Siti" "Arsenal"ni 2:0 hisobida mag'lub etgandi. Shundan keyin "shaharliklar" APL doirasida ham londonliklar ustidan zafar quchib, ayni paytda chempionat jadvalida peshqadam bo'lib turibdi.

Angliya Premier-ligasining 35-turida "Manchester Siti" safarda "Everton" mehmoni bo'ladi.