Donnarumma Musialaga etkazgan jarohati bo‘yicha yana bir bor murojaat qildi

Klublar o‘rtasidagi Jahon chempionati 1/4 finalida PSJ – "Bavariya" (2:0) o‘yini davomida jiddiy jarohat olgan Jamal Musialaga doir voqeaga PSJ darvozaboni Janluiji Donnarumma o‘z munosabatini bildirdi.

"Bu voqea meni qattiq shokka tushirdi. Men hech qachon Musialaga shikast etkazmoqchi bo‘lmaganman, aslo", — deya o‘z fikrlari bilan o‘rtoqlashdi italiyalik posbon

Eslatib o‘tamiz, Musiala birinchi taym oxirida Donnarumma bilan to‘qnashib, og‘ir jarohat oldi — uning chap oyog‘i noodatiy holatda egilib ketdi. Ma’lumotlarga ko‘ra, uning ushbu jarohatdan forig‘ bo‘lib, yana safga qaytishi 4-5 oyni talab qilishi mumkin.