Do‘smatov emas, Kollazo tanlandi!
Ahmadbek Eshmatov
Tailandlik bokschi Puerto-Riko vakili bilan jang qiladi.
Minimal vazn toifasida WBA chempioni, tailandlik Tammanun Niyomtrong 16 noyabr kuni Saudiya Arabistonining Ar-Riyod shahrida ringga ko‘tariladigan bo‘ldi. Unga WBO yo‘nalishida chempioni Oskar Kollazo raqiblik qiladi.
Niyomtrongning hisobida 25 ta g‘alaba bor va u hozirga qadar mag‘lubiyatga uchramagan. Puerto-Riko vakili bo‘lgan Kollazo esa hozirgacha 10 ta g‘alabaga erishgan.
Ma’lumot uchun, o‘zbekistonlik bokschi Hasanboy Do‘smatov Tammanun Niyomtrongning WBA kamari uchun hali hamon majburiy da’vogar bo‘lib turibdi.
Izohlar (0)