Ejeni Busharni Pragaga taklif etishdi

Chexiyada Xotin-qizlar tennis uyushmasi tomonidan 10-16 avgust kunlari "Prague Open" xalqaro turniri o‘tkazilishi kutilmoqda.

Tashkilotchilar musobaqa nufuzini oshirish maqsadida qator tennis yulduzlariga to‘g‘ridan-to‘g‘ri ishtirok etish huquqini beruvchi yo‘llanmani taqdim etmoqda.

Ana shunday "wild card"lardan biri kanadalik Ejeni Busharga ham taqdim etildi. To‘g‘ri, so‘nggi yillarda u yorqin o‘yin namoyish eta olmayotgan bo‘lsa-da, uning qanday tajribaga ega ekani barcha tennis ixlosmandlariga ma’lum.