Eldor Shomurodov Italiyaga tashrif buyurdi

Turkiyaning "Istanbul Boshakshehir" klubi hujumchisi Eldor Shomurodov Italiyaga bordi.

Maʼlum boʻlishicha, oʻzbekistonlik futbolchi hozirda Italiyada jarohatini davolayotgan Jaloliddin Masharipovning holidan xabar olish maqsadida ushbu safarni amalga oshirgan.

“Eldor meni koʻrgani kelibdi. Bu mavsum Turkiyada toʻpurar boʻlishini tilab, duo qilib qoʻydim”, — deb yozdi Masharipov ijtimoiy tarmoqlardagi sahifasida.

Maʼlumot uchun, joriy mavsumda Eldor 16 ta gol bilan toʻpurarlar roʻyxatida ikkinchi oʻrinni egallab turibdi.