Engil atletika. Safina Sadullaeva jahon chempionatini 29-o‘rinda yakunladi

Safina Sadullaeva jahon chempionatidagi ishtirokini yakunladi. Afsuski, sportchimiz Budapeshtda o‘tayotgan dunyo birinchiligining final bosqichiga yo‘l ololmadi.

Balandlikka sakrash dasturida ishtirok etgan Sadullaeva saralash bahslarida 1.80 metr balandlikni birinchi urinishdayoq zabt etdi. Biroq keyingi 1.85 metr balandlikdan o‘tish uchun amalga oshirilgan barcha urinishlar samarasiz yakunlandi va sportchimiz musobaqani 29-o‘rinda tugatdi.